من سنين
عايش بيحلم بالامان
قلبى اللى متعلق
بخيط الأمل
شابك فى لبلابة هواكى
شابك بيتمنى الوصول
لخوص نخيلك
يحكى الغزل
دايب فى نظره
من عينيكى
شايل همومى فى كفى
بتمنى عمرى
فى قربك يكفى
بتمنى دوبانى
فى بحر غرامك
ياخدنى الموج يغرقنى
أتوه بين شطئانك
ياما كتير سبقونى
ياما كتيروصلولك
مصيرهم كان الدوامه
وعتمه وتوهه وقيامه
اللى أفترق
واللى أتحرق
و اللى قاسى النار
فى بعادك
واللى أنكوى
بيها فى قربك
واللى تاهت سكته
ودموعه جفت م الانين
عايش بيحلم باللقا
عايش وبيشده الحنين
وأنا جايلك
ومشوارى طويل
فى إيدى قنديلى
ينور عتمة العشاق
فى إيدى حبة قمح
تسد جوع كل مشتاق
فى إيدى زهره وكتاب
وحباره ماليها بدمى
وسن قلم دايس فى قلبى
بيحكى عن مجاريح
بيحكى عن زلزالك
وهب الريح
وحلم رضيع
بات كسيح
وغصن زيتون أخضر
دبلت أوراقه
تحت أقدامك
وموت الحمامه
بيعلن أنهزامك
وبتقاوحى
وأنا بترجى وأعيش
ألملم خيوط
السهد والترحال
ألملم أهه تايه
فى حروف موال
ألمم خيوط
الصبح فى عينيه
وأغنيلك غنا مبحوح
يضيع الصوت فى حلقى
يغيب النبض فى قلبى
وبتلاقى فى حضن عينيكى
ياخدنى الشوق
لسكه بعيده
ياخدنى حنينى للدوامه
أتوه وأغرق
مع التايهين
ليه أنتى بيعده
ليه أنتى عنيده
مابتحنى على العشاق
مابتحنى على المشتاق
وسكة قلبك موصوده
ومحدوده ومعدوه أنفاسى
وبسجن فيكى أحساسى
يموت النبض
فى عروقى
وأموووت وماوصلش
لسكة قلبك
***************
مهندس// محمود درويش
ليست هناك تعليقات:
إرسال تعليق