أعتذارك

أعتذارك
*************
برغم أعتذارك وقسوة مرارك

بحبك وقلبى مليه الخوف

بحبك بأحساس العميان

ومن كتر شوقى بعترت الحروف

حاسك ولمسك وعايش ملامحك

بشوفك بدون أى شوف

بصارع فى نفسى وألون ملامحى

وأجيلك بقلب تعبان ملهوف

دروبك.. عتمه مليها النواح

وأيديه ملت من بكى الدفوف

وكل مأقرب....... تأخدنى المتاهه

محرم عليه منك أطوف

وأصرخ بحبك وبيضيع صراخى

وبتحدى ليلك وأى ظروف
***********
عاشقك أكون لك فارس أكون حارس

شهيد على أسفلت الخريف

بكحل عيونى بطلت ملامحك

وتنهيده تفجر كيانى ع الرصيف

أشوف أبتسامتك لحظة بكايا تقطع حشايا

وأنا بجاهد علشان الرغيف

يسيل منى دمى يلون شفايفك

ويخضر عودك ومسمعش منك الا حفيف

سهرانه بتتعايقى هاكون جنى هاكون أنسى

أسابق حلمى بشوف طفيف

ولو كنتى حيه هاكون عفريت..

بمزماريرقص عنادك فى ليلة صيف

تعاندى. هكابر راقد على كتافك أزيح العتامه

يهل فجر بكره أبيض شفيف

ومش مهم أجى فى بالك بيكفى أنى كنت

فى سماك عصفور يفرفر أو حتى طيف

*********
مهندس//محمود درويش